Make your own free website on Tripod.com
Welcome to Laascaanood online
 
Baaqyada nabadeed.
 
 
Baaq Nabadeed.
Baaq Nabadeed ka yimi W/garadka Bahararsame ee Qurbajoogta ah:

BY:Abdul Handulle

E-mail: abdulhand@yahoo.com


Annagoo tixraacayna  si buuxdana u taageersan  dhowrkii baaq nabadeed ee hore uuna ka mid ahaa Baaq nabadeedkii labada Isim ee Garaad C/Qani Garaad Jamac iyo Garaad Cali Buraale ee ku wajahanaa labadda beelood ee  dagaalladdu ku dhexmareen degaannadda iyo tuulooyinka hawdka( Dabataag ) oo ka  mid ah Gobolka Sool, ayaa haddaanu nahay odayaasha, w/garadka, aqoonyahannadda, iyo culimadda beesha Bahararsame ee qurbajoogta ah ku baaqaynaa arrimaha soo socda:

  1.  In si wadajir ah loo joojiyo loona soo afjarro colaadda, dagaalka, xasilooni darradda iyo cadifadda cidhibxumadda salka ku haysa ee dhalisay in dad masaakiin ihi ku naf waayaan.
  2. In arrimaha keenay isku dhac labadda beelood lagu dhameeyo wada hadal ku salaysan cadaalad, xaqsoor iyo isfahan ehelnimo maadaama ay yihiin dad wada dhashay oo dhaqan, dal iyo degaanba ka dhexeeyo oo aan kala maarmikarin.
  3. Waxaanu si weyn u soo dhoweeynayna cid kasta oo ka shaqaynaysa xoojinta nabadgelyadda, adkeynta xasiloonidda, xormeynta derisnimadda iyo wada dhaqanka.
  4. Waxaanu xasuusinaynaa Isimadda Beesha Sool/Sanaag/Cayn in xil culus ka saaran yahay  sugitaanka nabadda labadda beelood loona baahan yahay in ay meel uga soo wada jeedaan geedsocodka nabadda kana hortagaan wax kasta oo duminaya nabadgelyadda iyo xasiloonidda  degaanka oo keeni kara dhiig daata, khasaare, burbur iyo barakac.
  5. Waxaanu si shuruud la'aan u soo dhoweynaynaa odayaasha iyo w/garadka u hogaaminayo General Cadde Musse ee u tafaxaytey si ehelnimo iyo islaanimo ku dheehantahay in ay wax uga qabtaan dhibaataddan ka aloosantay degaankaas iyagoo u xidhxidhan xaqijiinta xabad joojinta iyo raadinta xal rasmi ah oo waara.
  6. Ugu dambeystii waxaanu  dadaal gaar ah ugu jirnaa in kulan iyo baaq wada jir ah oo ka yimaada odayaasha labadda beelood ee qurbaha ku dhaqan u dhaco haddii ay suurtagasho taas oo saameyn macno badan ku lahaan doonta dejinta iyo soo celinta xasiloonidda labadda beelood ee ku sugan degaanka.

Waxgaradka Bahsame ee N/jecel kuna dhaqan qurbaha




 


Powered by www.laascaanood
.com

 

Kor u noqo ama Kulaabo Bogga Hore ee Laascaanood online/ Home
Copyright © 2002 by Laascaanood.com. 

All rights reserved.